Patanid

Don Ponciano C. Cacho

Naingkanton ringgas a saytin kakarmaan
Nangibwat ana sin síkay napastang
Sa inudas-udas síkay pitamitan
Baná sa ringgas mo ta síkay kawánan.

Kuro
Patanid akuyna, patanid akuyna sawanin ay byay ko
Andí tana papasen a saytin ula-ula ko
Ta bugá man tamó, ta bugá man tamó a inso nibi mo
Adti ko man lí sansyan tukiden ko.

Nanayonggaring kan burak kunan sitin babali
A inikap nin rway mata leg´an kon iti
Dinaeg moy masitas a kai nin pinuti
Baná sa ringgas mo ta síkay pinabli.

Kuro
Patanid akuyna, patanid akuyna sawanin ay byay ko
Andí tana papasen a saytin ula-ula ko
Ta bugá man tamó, ta bugá man tamó a inso nibi mo
Adti ko man lí sansyan tukiden ko.

• • • • • •