Diskurso Ran Ának
(Nursery Rhymes)
Si Manok Sa Lalawak
Nanurat: Kai tandá
Masiken Bastian
Nanurat: Kai tandá
Kansion Ni Pag´ong
Kuni Baké
Nanurat:
Kai tandá
Bulan-bulan Patáway
Nanurat:
Kai tandá
Si Tikling
Nanurat:
Kai tandá
Lubi-lubi
Nanurat:
Kai tandá
Bo-bo Bobábo
Nanurat:
Kai tandá
O Dadá Mulí
Ka
Nanurat:
Kai tandá
Kansyon Nin Mamilang
Nanurat:
Kai tandá
|
Nakapaibi na ni Rosalind Broadway
Nakapagpermiso yay naiyusaren.
Si Manok Sa Lalawak
Sinurat na ni: Kai tandá
Si manok sa lalawak,
No siyay nay lumpad,
Pangingimey nay masiglat,
Ta mainan yan pakpak.
(Kuro)
Sa kabuklasan, siyay mangkansyunen,
Mabistan tuloy a ingaren,
Ta mandumpá ya no yabi,
Kai ya madakep ta siyay maliksi,
Tra-la-la-la-la-la-la-la-la-la-la
Kai ya madakep ta siyay maliksi.
• • • • •
•
Nakapaibi na ni Rosalind Broadway
Nakapagpermiso yay naiyusaren.
Masiken Bastian
Sinurat na ni: Kai tandá
Sin tyimpo ni masiken Bastian,
Ubra nay manglawan,
Nakakalap yan manok a tadas,
Kinná nayan tuloy udas.
Tilibong tilibong tilibong
Nanabó sa rarem bubon.
Tilibong tilibong tilibong
Nanabó sa rarem bubon.
• • • • •
•
Nakapaibi na ni Catalino "Jun" P. Catanaoan, Jr.
Nakapagpermiso yay naiyusaren.
Kansion Ni Pag´ong
Kuni Baké
Sinurat na ni: Kai tandá
Loko kan baké,
Ininom may ilog,
Sínoy makakális como?
Si pag´ong, si pag´ong, si pag´ong.
• • • • •
•
Nakapaibi na ni Catalino "Jun" P. Catanaoan,
Jr.
Nakapagpermiso yay naiyusaren.
Bulan-bulan Patáway
Sinurat na ni: Kai tandá
Bulan-bulan patáway
Munaoy ka ta sítay mibakal,
Ikon may araar tan ikon kuay kampilan,
Pánuen may kampilan?
Ipamutol koyan kawayan,
Pánuen may kawayan?
Gaw´en kon batalan,
Pa'nuen may batalan ?
Uli´an ran ikasal,
Sínoy ikasal?
Si Maria tan si Juan!
• • • • • •
Nakapaibi na ni Catalino "Jun" P. Catanaoan,
Jr.
Nakapagpermiso yay naiyusaren.
Si Tikling
Sinurat na ni: Kai tandá
Si Tikling,
Main manok kon Tikling,
Isen yaynan kíting-kíting,
Sinampat ni bapá Inting,
Nisambong naya sa pising.
• • • • • •
Nakapaibi na ni Catalino "Jun"
P. Catanaoan, Jr.
Nakapagpermiso yay naiyusaren.
Lubi-lubi
Nanurat: Kai tandá
Iniro, Pebriro
Marso, Abril, Mayo
Hunyo, Hulyo, Agusto
Septyimbri, Octubri
Nobyimri, Desyimbri
Lubi-lubi
Nako kami nikilubi
Kuni laking kon Vicente,
Mataway a linubi,
Mataway a linubi,
Lutó ni laking kon Vicente.
• • • • •
•
Nakapaibi na ni Catalino "Jun"
P. Catanaoan, Jr.
Nakapagpermiso yay naiyusaren.
Bo-bo Bobábo
Sinurat na ni: Kai tandá
B0-bo Bobábo
Adti kiná ni tatay mo,
Nako ya nangaso,
Nakakalap yan buro,
Nisábit naya sa duyo,
Tinángal rayan aso,
Buet-buet, tumbong mon mu'dit.
• • • • •
•
Nakapaibi na ni Catalino "Jun"
P. Catanaoan, Jr.
Nakapagpermiso yay naiyusaren.
O Dadá Mulí
Ka
Sinurat na ni: Kai tandá
O dadá mulí ka
Siay bangkó
Tumekré ka,
Siay mamá,
Mamá ka,
Balé ta, kasan bunga.
• • • • •
•
Nakapaibi na ni Juliana P. Castellano
Nakapagpermiso yay naiyusaren.
Kansyon Nin Mamilang
Sinurat na ni: Kai tandá
Saya rwa baduya
Tolo ápat patupat
Lima ánem kanen-kanen
Pito walo ginado*
Siyam puló mangan tamo
Aros caldo
(*Main a baryasyon nin pansit-puto.)
|
