Dasal

Katawan Dyos, Ama min kalangitan,
Nagkisalamat kami sa ngámin nin bubindisyon tan kapaibyan mo
Nin sa kábawan a naiparapeg mo kumi.
Pirdunawen mo kami sa kasalan tan pagkurangan mi,
Ipatandaan mo pa a kaabasan mi pigaw maipakusto mi.
O Amo min Sangkatágayan, say pirmi mon paaluyunan a tingkapen mi,
Sa ngámin nin gaw´en sa Pista nin Babali mi tan sa uawro nin rumaté.
Bindisyunan muya a babali, saray rurikurso,
saray tutawo tan saray pupangulo,
Ipakalalamó tan ipakisaya mo kami nin uinstruminto mo,
Pigaw magkamain mi a katinekan nin magnayon,
mabibista tan kapasaya kami sa sarban gaw´en mi,
Ta pigaw magwá mi lí kunan mangyayadí tan pagwaan nan Bolinao.
Ipasirong mo kami sa pagpyawan mo a naitagad
kunan Kapangyadian mon Sangkatágayan.
Ta pigaw magkamain mi a rabay mon gaw´en
sa babali mi, sawanin tan sa pananaon nin rumaté.
Dawaten mi sarayti ngámin sa ngaran na ni HisuKristo,
Katawan mi,
Amen